Azərbaycanın Latviyadakı səfirliyinin avqust ayından fəaliyyətə başlayacağı gözlənilir. Bu haqda Azərbaycanın Latviya Respublikasındakı səfiri Tofiq Zülfüqarov Trend ə verdiyi eksklyuziv müsahibəsində bildirmişdir.
Onun sözlərinə görə, hələlik Latviya tərəfi Azərbaycanın diplomatik idarəsinin fəaliyyəti üçün lazımi bina ayırmamışdır. "İyul ayı ərzində bina məsələsinin öz həllini tapacağı gözlənilir. Bununla yanaşı, eyni vaxtda səfirliyin büdcəsinin hazırlanması və ştat vahidlərinin müəyyən edilməsi işləri başa çatdırılacaqdır. Bu işlər başa çatdırıldıqdan sonra səfirlik öz fəaliyyətinə başlayacaqdır",- deyə Tofiq Zülfüqarov vurğulamışdır.
Xatırladaq ki, Tofiq Zülfüqarov bir neçə il bundan öncə Azərbaycanın xarici siyasət idarəsinə rəhbərlik etmişdir.
