ATƏT-in Bakı ofisinin rəhbəri Maurisio Pavesi iyulun 29-da Yeni Azərbaycan Partiyasının (YAP) qərargahında keçirilən iqtidar-müxalifət partiyaları arasında görüşü müsbət qiymətləndirib. Trend in məlumatına görə, M.Pavesi həmin görüşdə aparılan müzakirələrin nəticələrini məqbul hesab etdiyini deyib.
"Partiyalar bu görüşdə qara piarla bağlı öz fikirlərini ortaya qoyublar. Bütün iştirakçılar mətbuatda yayımlanan təhqiramis fikirləri pislədilər. Bunu həmin dialoqun ən yaxşı nəticəsi hesab etmək olar" - deyə M.Pavesi bildirib.
Onun qənaətincə, siyasi tərəflər arasında münasibətlərin normallaşması üçün bütün media nümayəndələri öz fəaliyyətlərində başqalarının təhqir edilməsinə yol verməməlidirlər. "Belə təzyiqlər tamamilə qəbuledilməzdir. Avropada şəxsiyyətə qarşı hökmlər heç kim tərəfindən müşahidə edilməyib"-deyə M.Pavesi əlavə edib.
Səfir həmçinin deyib ki, hakim partiyanın təşəbbüsü ilə keçirilən iqtidar-müxalifət dialoqu ATƏT-in də siyasi düşərgələr arasında münasibətlərin tənzimlənməsinə dair hazırladığı tədbirlərə yardım edir.
"Azadlıq" blokuna daxil olan partiyaların həmin tədbirə qatılmamasına münasiəbtini bildirərkən ATƏT rəsmisi deyib ki, dialoqa qatılıb-qatılmamaq siyasi qərardır. Partiyalar özləri buna qərar verməlidirlər: "Amma ümid edirəm ki, növbəti dialoq toplantılarında bütün müxalifət partiyaları iştirak edəcəklər"-deyə M.Pavesi vurğulayıb.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
.jpg)
