...

BU HƏFTƏ ASTARA YAXINLIĞINDA QAZ KOMPRESSOR ZAVODUNUN AÇILIŞ MƏRASİMİ KEÇİRİLƏCƏK

Siyasət Materials 6 Sentyabr 2005 14:04 (UTC +04:00)
BU HƏFTƏ ASTARA YAXINLIĞINDA QAZ KOMPRESSOR ZAVODUNUN AÇILIŞ MƏRASİMİ KEÇİRİLƏCƏK

Bu həftə Naxçıvan Muxtar Respublikasının (NMR) qazla təminatının bərpası layihəsi çərçivəsində azərbaycan-iran sərhədində Astara şəhəri yaxındığında qaz kompressor stansiyasının açılış mərasimi olacaq. Trend in məlumatına görə, bu barədə Azəriqaz QSC-nin sədr müavini Nazim Səmədzadə sentyabrın 6-da mətbuat konfransında bildirib.

Onun sözlərinə görə, mərasimdə prezident İlham Əliyevin iştirakı gözlənilir.

"Obyektin istismara verilməsindən sonra 10-15 gün ərzində avadanlıqlar sınaqdan keçiriləcək. Sentyabrın 20-22-də isə İrana qaz tədarükünün başlanacağı nəzərdə tutulub. İranla bağlanmış müqaviləyə əsasən biz 55 atmosfer təzyiqi altında qaz tədarük etməliyik", - deyə N.Səmədzadə qeyd edib.

QKZ-nin inşası Sumsk maşınqayırma, NEZ (Ukrayna) tərəfindən həyata keçirilir. Müqavilənin dəyəri 80 mlrd manatdır (təxminən $17 mln).

Xəbər lenti

Xəbər lenti