Finlandiya prezidenti Tarya Halonenin Azərbaycana ikigünlük rəsmi səfəri sentyabrın 30-da, axşam başa çatıb. Trend bildirir ki, ikinci gün Finlandiya prezidenti Hyatt Regency otelində keçirilən Azərbaycan-Finlandiya biznes-forumunda iştirak edib.
Sonra T.Halonen Heydər Əliyev Fonduna gedib.Fondun prezidenti Mehriban Əliyeva qonağı fondun fəaliyyəti ilə tanış edib.Finlandiya prezidenti həm də Bakının görməli yerlərinə, xüsusilə Dövlət tarixi-memarlıq qoruq muzeyi olan "Şirvanşahlar sarayı kompleksi"nə gəzintiyə çıxıb.O, "Azərxalça" İstehsalat Birliyinin işi ilə tanış olub.
Bakı beynəlxalq hava limanında Finlandiya prezidentini baş nazir Artur Rəsizadənin başçılıq etdiyi hökumətin bir qrup rəsmi şəxsləri yola salıb.
Trend-in ən mühüm və maraqlı xəbərlərini "Telegram"da izləyin
