...

AŞPA-NIN AZƏRBAYCANDA SEÇKİ İLƏ BAĞLI MİSSİYASI MSK SƏDRİ İLƏ GÖRÜŞÜB

Siyasət Materials 11 Oktyabr 2005 19:24 (UTC +04:00)

Avropa Şurası Parlament Assambleyasının Azərbaycanda parlment seçkilərinin müşahidəçi üzrə Xüsusi Komitəsinin seçkiqabağı missiyası oktyabrın 11-də Mərkəzi Seçki Komissiyasının (MSK) sədri Məzahir Pənahovla görüşüblər. Bu barədə Trend ə MSK-dan məlumat verilib.

Görüşdə MSK sədri Məzahir Pənahov Azərbaycandakı seçkiqabağı vəziyyətlə bağlı qonaqlara məlumat verib. AŞPA-nın Azərbaycandakı parlament seçkilərinin müşahidəsi üzrə Xüsusi Komitəsinin sədri Leo Platvoyet seçici vəsiqələrinin seçicilərə çatdırılma mexanizmi, seçici vəsiqələrinin paylanması sahəsində işlərin gedişi barədə suallar verib. MSK sədri seçici vəsiqələrinin seçicilərə şəxsən çatdırıldığını və seçici siyahılarındakı seçicilərin 90 faizindən çoxunun seçici vəsiqələri ilə təmin olunduğunu diqqətə çatdırıb.

Xüsusi Komitədə təmsil olunan Andeas Qross və Andes Herkel hərbçilərin və məhkumların səsverməsi, aşağı seçki komissiyalarının fəaliyyət prinsipləri barədə suallar veriblər. Məzahir Pənahov onların suallarını ətraflı cavablandırıb. Məcburi köçkünlərin səsverməsi məsələsi ilə bağlı MSK sədri qonaqların diqqətinə çatdırıb ki, 400 mindən çox köçkün seçicinin seçki hüququ pozulur. Onlar bütün ölkə ərazisinə yayılıblar. Belə ki, bir seçki dairəsi hər hansı bir şəhərdə yerləşir, lakin həmin dairənin seçiciləri bütün ölkə ərazisində məskunlaşıblar. Müvafiq olaraq seçki məntəqələri də respublikanın bütün hüdudlarına yayılıblar. Məcburi köçkünlərin qeydiyyatda olduqları seçki dairələrinin hamısında bu vəziyyət hökm sürür. Ona görə də səsvermə günü həmin dairələrin seçki məntəqələrindən məlumatları almaq və toplamaq çətinlik yaradır.

Xəbər lenti

Xəbər lenti