"Xarici ölkələrin və beynəlxalq təşkilatların Azərbaycanda akkreditə olunmuş diplomatik missiya və nümayəndəlikləri Azərbaycan Demokrat Partiyasının sədri, eks-spiker Rəsul Quliyevin Azərbaycana qayıdışı ilə əlaqədar bu saatlarda baş verən hadisələri diqqətlə izləyir". Ukraynanın Azərbaycandakı işləri üzrə müvəqqəti müvəkkili İqor Kizimanın Trend ə verdiyi məlumata görə, xarici ölkələrin və beynəlxalq təşkilatların diplomatik missiyalarının Azərbaycanda akkreditə olunmuş nümayəndələr qrupuna ADP sədrinin təyyarəsinin yerə enəcəyi beynəlxalq hava limanına daxil olmağa icazə verilməyib.
"Böyük Britaniyanın Azərbaycandakı səfirliyi hadisələri diqqətlə izləyir və günün ikinci yarısında öz diplomatlarını hava limanına göndərəcək", - deyə diplomatik missiyada bildirilib.
"Norveçin Azərbaycandakı səfiri Steynar Gil hadisələrin inkişafını nəzarət altında saxlayır və hələlik heç bir bəyanatla çıxış etməyəcək, o, öz fikrini sonra bildirəcək", - deyə səfirlikdə qeyd edilib.
