Noyabrın əvvəlində ATƏT-in Parlament Assambleyasının prezidenti, ATƏT-in fəaliyyətdə olan sədrinin Azərbaycanda parlament seçkiləri üzrə xüsusi əlaqələndiricisi Elsi Hastinqsin (Alcee L. Hastings) rəhbərlik etdiyi qısamüddətli müşahidəçilərdən ibarət nümayəndə heyəti Bakıya gələcək. Bu barədə Trend ə DTİHB missiyasının Böyük Britaniyadan olan nümayəndəsi Haydi Smes məlumat verib.
E.Hastinqs seçkilərin monitorinqində, noyabrın 7-də isə Bakıda mətbat-konfransında iştirak edərək beynəlxalq müşahidə missiyasının monitorinqinin ilkin yekunlarını açıqlayacaq. Müşahdəçilərin iştirakı ilə noyabrın 6-da seçki qutuları möhürlənərək səsvermə keçiriləcək, axşam isə bülletenlər hesablanacaq.
Xatırladaq ki, ATƏT-in fəaliyyətdə olan sədri, Sloveniyanın xarici işlər naziri Dmitri Rupel 2005-ci il oktyabrın 4-də Elsi Hastinqsin Azərbaycandakı parlament seçkiləri üzrə xüsusi əlaqələndirici təyin olunması barədə qərar qəbul edib.