Həftə ərzində Azərbaycanın valyuta bazarının icmalı

Ötən həftənin yekunlarına əsasən, manatın ABŞ dollarına nisbətdə Azərbaycan Milli Bankı tərəfindən müəyyən edilmiş rəsmi məzənnəsi 4 manat yaxud 0,087% artıb. Ötən həftənin beş iş günü ərzində orta məzənnə 1 ABŞ dollarına 4593,6 manat səviyyəsində müəyyən edilib. Beləliklə, dolların orta məzənnəsi 28 noyabr-2 dekabr iş həftəsinin yekunlarına əsasən, 21-25 noyabr həftəsində müəyyən edilmiş məzənnə göstəricisinə nəzərən analoji göstəricidən 0,6 manat yaxud 0,013% azdır.

Ötən həftə dolların manata nisbətdə maksimum məzənnəsi 28 noyabrda ( 1 ABŞ dolları 4596 manat olmaqla), minimum məzənnəsi isə 1-2 dekabrda (1 ABŞ dolları 4592 manat) müəyyən edilib. Manatın ABŞ dollarına nisbətdə rəsmi məzənnəsinin ölkənin Milli bankı tərəfindən müəyyən edilmiş maksimum və minimumu arasında fərq 4 manat və yaxud 0,087% təşkil edib.

Ötən həftənin yekunlarına əsasən, manatın ABŞ dollarına nisbətdə Bakı banklararası valyuta birjasının (BBVB) hərracının yekunlarına görə müəyyən edilmiş birja məzənnəsi 5 manat yaxud 0,1087% artıb. Ötən həftənin beş iş günü ərzində orta məzənnə 1 ABŞ dollarına 4593,128 manat səviyyəsində müəyyən edilib. Beləliklə, dolların orta məzənnəsi 28 noyabr - dekabr iş həftəsinin yekunlarına əsasən, 21-25 noyabr həftəsində müəyyən edilmiş məzənnə göstəricisinə nəzərən analoji göstəricidən 1,072 manat yaxud 0,023% azdır.

Ötən həftə dolların manata nisbətdə maksimum məzənnəsi 28 noyabrda (1 ABŞ dolları 4596 manat olmaqla), minimum məzənnəsi isə 2 dekabrda (1 ABŞ dolları 4591 manat) müəyyən edilib. Manatın ABŞ dollarına nisbətdə birja məzənnəsinin ölkənin Milli bankı tərəfindən müəyyən edilmiş maksimum və minimumu arasında fərq 5 manat yaxud 0,10879% təşkil edib.