Dünən gecə Goranboy rayonunun Ermənistanla sərhəddində, N saylı hərbi hissəsinin binacında yanğın hadisəsi baş verib. Hadisə nəticəsində milli ordunun 2 giziri, bir zabit və bir əskəri müxtəlif dərəcəli xəsarətlər alıb. Onlar Gəncə şəhərində yerləşən N saylı hərbi hissənin hospitalına gətiriliblər. Hospitalın komandiri Asif Qurbanov informasiya verməkdən imtina etsə də əsgərlərdən birinin valideyinin bildirdiyinə görə, yanğın hadisəsi axşam tərəfi işıqlar söndükdən sonra baş verib. Belə ki, yaralananlardan biri blindacda olan işıq generatoruna yanacaq doldurmaq istəyərkən bilmədən benzini yanında olan işıq lampasının üzərinə töküb. Bununla da yanğın başlayıb. Hadisə yerinə gələn baş leytenant Məhərrəmov Rəşad Vaqif oğlu, gizirlər İmaməliyev Fuad Səddərddin oğlu və İsayev Raiq Elton oğlu, həmçinin, kiçik çavuş Abbasoa Rüstəm Əbdül oğlu böyük səy göstərərək yanğını söndürərək, atbarda olan bütün silah sursatı çıxarmağa nail ola biliblər. Bunun da nəticəsində hər biri bədənlərinin müxtəlif nahiyyələrində 2-3 dər
əcəli termiki yanğın xəsarəti alıblar. Hospitalın həkimlərindən birinin qeyri- rəsmi verdiyi məlumata görə, gizirin vəziyyəti ağır, digərlərinin vəziyətləri isə qənaətbəxş hesab olunur.
...