"Azərbaycan Liberal Gənclər Assosiasiyası" İctimai Birliyi təsis konfransı keçirib. Trend xəbər verir ki, təşkilatın əsas məqsədi Azərbaycanda liberal, demokratik ideyaların təbliğinə, insan hüquq və azadlıqlarının təşəkkülünə və demokratik cəmiyyətin inkişafına yardım göstərməkdir.
Təsis konfransında bildirilib ki, birlik liberal dəyərlərin yayılması ilə bağlı proqramlar, konsepsiyalar, qanun layihələri hazırlamağa çalışacaq. Liberal düşüncənin təbliği sahəsində respublikanın müvafiq dövlət strukturları ilə əməkdaşlıq edəcək. Tədbirdə səsvermə yolu ilə birliyin nizamnaməsi təsdiqlənib, İdarə Heyəti və Nəzarət Təftiş Komissiyası formalaşdırılıb. Nizamnaməyə uyğun olaraq hər dəfə İdarə Heyətinin bir üzvü toplantıya sədrlik edəcək.
İdarə Heyəti yeddi nəfərdən, Nəzarət Təftiş Komissiyası isə üç nəfərdən ibarət olub.
.jpg)
.jpg)
