"Ağstafa, Daşkəsən, Gədəbəy, Xanlar, Qazax, Samux, Şəmkir və Tovuz rayonlarında yetişdirilən 25 çeşiddə kənd təssərrüfatı məhsullarının bazar qiymətləri haqqında məlumatlar toplanır". Bu barədə Trend ə Kənd Təsərrüfatı nazirliyinin Qərb Regional Mərkəzinin rəhbəri Mətləb Nəcəfov məlumat verib. "Bu prosesi həyata keçirən Regional Mərkəzin nəzdində yaradılmış 7 aqrar bölmə toplanmış aylıq məlumatları mərkəzə göndərir. Burada məlumatlar analiz ediləcək və sistemləşdirilərək cədvəl şəklində kitabçalarda öz əksini tapacaq. Yerli sahibkarlara paylanacaq bu məlumat kitabçaları vasitəsilə onlar xammalın (məsələn, taxıl, pambıq, yağ, şəkər çuğunduru və s.) hansı rayonda hansı qiymətə satılması haqqında məlumat alacaq. Qiymətlərdəki fərqi müəyyənləşdirəndən sonra sahibkar həmin xammalı xaricdən və ya başqa rayonlardan yox, ətraf rayonlardan almağa üstünlük verəcək. Bu bir növ yerli istehsalçılarımızın işinə dəstək kimi onların yerli mallarının reallaşdırılmasına xidmət edəcək. Məlumat kitabları ailə başçılarına da öz ailə xərclərini bazar qiymətlərinə uyğun qurmağa imkan verəcək.
...