Müxalifətin gələcəkdə yeni formatda fəaliyyət göstərməsi ilə bağlı layihə gündəmdədir. Bu barədə Trend ə Azərbaycan Milli İstiqlal Partiyasının sədri Əli Əliyev bildirib.
"Müxalifətin daha geniş formada birləşməsi istiqamətində fəaliyyətimizi Müsavatın təkrar seçkilərdə iştirakı ilə bağlı verəcəyi qərar gecikdirib" - deyən Ə.Əliyev onu da bildirib ki, məqsədləri bu birliyi hansı formada olursa olsun yaratmaqdır.
Bunun üçün taktiki addımların atılmasının vacibliyini qeyd edən Ə.Əliyev bu istiqamətdə iş apardıqlarını da bildirib. "Müsavat Partiyası ilə əməkdaşlıq edəcəksinizmi" sualını cavablandırın Ə.Əliyev bildirib: "Milli istiqlalçıların təmsil olunduğu "dördlər"lə bu mümkündür. Ancaq bu əməkdaşlığın hansı istiqamətdə ediləcəyindən asılıdır".