Milli Məclisin regional məsələlər daimi komissiyası parlamentin yaz sessiyasında üç qanun layihəsini müzakirəyə çıxaracaq. Bu barədə Trend ə adıçəkilən komissiyadan bildiriblər.
Qanun layihələrinin hazırlanmasında parlamentin müvafiq şöbələri, Dövlət Torpaq və Xəritəçəkmə Komitəsi, bələdiyyələrlə iş üzrə Mərkəzin nümayəndələri iştirak edib.
"Azərbaycan Respublikasında ərazi vahidlərinin və inzibati ərazi dairələrinin qeydə alınmasına dair şəhadətnamənin verilməsi haqqında", "İnzibati ərazi vahidləri arasında ərazi mübahisələrinin həllinə dair komissiyanın yaradılması haqqında əsasnamə" və Bələdiyyələrin fəaliyyətinə inzibati nəzarəti həyata keçirən orqanın illik məruzəsi kimi qanun layihələri parlamentin yaz sessiyasının müzakirəsinə veriləcək.
