...

"Azadlıq" blokunun Qarabağ və iqtisadiyyat komissiyaları yaradılıb

Siyasət Materials 28 Mart 2006 15:02 (UTC +04:00)

"Azadlıq" blokunun artıq Qarabağ və iqtisadiyyat komissiyaları yaradılıb. Bu barədə Trend ə blokun həmsədri Əli Əliyev məlumat verib. O, bildirib ki, "Azadlıq" blokunun Ali Məclisinin aprelin 15-də keçiriləcək iclası Qarabağ mövzusuna həsr olunacaq və buna görə də blokun Qarabağ komissiyası artıq bu həftədən fəaliyyətə başlayacaq. Sonda ciddi sənəd hazırlanması nəzərdə tutulub.

İqtisadiyyat komissiyasının əsası hazırlanıb, yaxın zamanlarda fəaliyyətə başlaması nəzərdə tutulub. Bu komissiya kənd təsərrüfatı, makroiqtisadiyyat, sahibkarlıq və digər məsələlərlə məşğul olacaq. "Azadlıq" blokunun iqtisadiyyat komissiyasının təşkilatçılığı ilə aprel ayında orta sahibkarlığa həsr olunmuş konfrans keçiriləcək.

Əli Əliyev qeyd edib ki, yaxın ərəfələrdə blokun digər komissiyaları da yaradılacaq, hər bir komissiyanın isə tərkibində əsasən mütəxəssislər təmsil olunacaqlar.

Xəbər lenti

Xəbər lenti