Martın 29-da Demokratik İslahatlar Partiyasının Siyasi Şurasının növbəti iclası keçirilib. Bu barədə Trend ə Demokratik İslahatlar Partiyasından (DİP) məlumat verilib.
İclasda ölkədəki ictimai-siyasi vəziyyət, iqtisadi durum və Ermənistan-Azərbaycan münaqişəsinin həlli istiqamətində görülən işlər müzakirə olunub. İclasda həmçinin partiyanın seçkilərə hazırlıq səviyyəsi də müzakirə edilib. Demokratik İslahatlar Partiyası namizədlərinin seçkiyə qatıldıqları müvafiq dairələrdəki vəziyyət, onların seçki kampaniyası ilə bağlı məsələlər də müzakirə obyekti olub.