Gəncə şəhər Nizami və Kəpəz rayon Vətəndaş Vəziyyətləri Aktlarının Qeydiyyatı şöbələrindən aldığımız məlumata görə, son 3 ayda Gəncə şəhərində 839 körpə dünyaya göz açıb. Onlardan 5-i dünyasını dəyişib. 2005-ci ilin müvafiq dövründə isə bu göstərici 987 idi. 3 körpə isə ölmüşdü. Bu da onu göstərir ki, uşaq doğumunda azalma hiss olunsa da, ölüm hallarında artım var.
Şöbələrdən onu da qeyd ediblər ki, ötən rüb 512 nəfər dünyasını dəyişib. Bundan başqa 402 nigah bağlanıb. 80 boşanma faktı qeydə alınıb.
