Naxçıvan türk litseyində təhsilin səviyyəsi ildən-ilə yüksəlir. Litseyin şagirdləri Bosniya və Hersoqovina Respublikasında keçirilən "Beynəlxalq fizika layihə olimpiadası"nda iştirak edib və 6 qızıl medala layiq görülüblər. 10 ölkədən 50 layihənin qatıldığı yarışmada Muxtar Respublika şagirdləri üç layihə ilə iştirak ediblər.
Olimpiadada Ordubad qız litsenyindən "Radiasiya ölçən dozimetr" layihəsi ilə iştirak edən şagirdlərdən Ülviyyə Cəlilzadə və Pərvanə Quliyeva, Naxçıvan türk litseyinin şagirdlərindən Bayram Əliyev və Vüsal Tağıyevin "Meşə yanğınlarını öncədən təsbit edən detektor", Şərur türk litseyindən Ələndar Aslanlının və Tapdıq Dünyamalıyevin "Günəşin zərərli təsirlərini öncədən xəbər verən detektor" layihələri böyük marağa səbəb olub və qızıl medallara layiq görülüb. Şagirdldər bu medalları Heydər Əliyevin doğum gününə hədiyyə kimi qiymətləndirirlər.
NMR Ali Məclisinin sədri Vasif Talıbov litsey şagirdlərini qazandıqları uğurlara görə təbrik edib, onlara yüksək təhsil verdiklərinə görə müəllimlərə təşəkkürünü bildirib.
