İranda yaşayan azərbaycanlılara qarşı təzyiqlərə etiraz olaraq Azərbaycan Xalq Cəbhəsi Partiyası (AXCP) iyunun 16-da bu ölkənin Bakıdakı səfirliyi qraşısında aksiya keçirəcək. Bu barədə Trend ə AXCP-dən məlumat verilib.
Bakı Şəhər İcra Hakimiyyəti iyunun 14-də partiyanın aksiya ilə bağlı müraciətinə cavab verib. Paytaxt rəhbərliyi piketin keçirilməsinə izacə verməyib. AXCP sədrinin müavini Həsən Kərimov bildirib ki, Bakı Şəhər İcra Hakimiyyətinin bu cavabına baxmayaraq, onlar iyunun 16-da saat 12.00-dan 13.00-dək İranın Azərbaycandakı səfirliyinin binası qarşısında planlaşdırılan etiraz aksiyasını keçirəcəklər.