Azəraycan Respublikası Nazirlər Kabineti artıq beşinci ildir ki, Kürün səviyyəsinin qışda və yazda kəskin qalxması nəticəsində Salyan şəhərinə xeyli ziyan dəyməsini nəzəzə alaraq, problemi həll etmək üçün iki layihə hazırlayıb. Hazırda bu layihələrdən birincisini həyata keçirmək üçün hazırlıq işlərinə başlanıb. Belə ki, Kür çayı Salyan şəhərinə 6,2 km uzunluğunda sarılıb, ərazidə 9 döngəsi var. Şəhər əhalisinin 10 min nəfərə yaxını isə sahil bəndlərinə bitişik həyətlərdə yaşayır. Ona görə də hökumət qərara alıb ki, Kür çayının məcrasını Salyan şəhərindən uzaqlaşdırsın.
Bu məqsədlə Bakı-Astara avtomobil yolu üzərindəki körpü istiqamətindən düz xətt boyunca çayın 2,4 km uzunluğunda yeni qolunun çəkilməsi nəzərdə tutulub. Lakin yeni qol Neftçala rayonunun Şorkənd kəndindən keçməlidir və buna görə də həmin kənd köçürülməlidir. Bu məqsədlə kənddə Nazirlər Kabineti tərəfindən inventarlaşdırma işlərinə başlansa da, kənd əhalisi veriləcək kompensasiyanın məbləğindən asılı olmayaraq, köçməyəcəklərini bəyan edirlər. Onlar kömək üçün dövlət başçısına müraciət ediblər. Müraciətdə bildirilir ki, 900 nəfər əhalisi olan kəndin əsası 1925-ci ildə qoyulub və bu torpaq 80 ildən yuxarıdır onların ata-baba yurdudur.
Artıq Nazirlər Kabineti layihənin həyata keçirilməsi üçün 400 milyon manat vəsait də ayırıb. Amma yerli ekspert lərin də fikrincə, bu layihənin həyaita keçirilməsi olduqca risqlidir. Belə ki, Kür çayının Salyan şəhrindən uzaqlaşdırılması yay aylarında yeganə su mənbyi Kür çayı olan rayonda ciddi problemlər törədə bilər. Onların fikrincə, daşqın probleminin ən optimal həlli variantı 2-3 ildən bir çayda 2-3 metr dərinlikdə xüsusi gəmilər vasitəsilə lildən təmizləmə işləri aparılmasıdır. Analoji tədbirlər Rusiyanın Volqa çayında hər il həyata keçirilir.