Moskva və Sankt-Peterburqun Fövqəladə Hallar akademiyalarında və təlim mərkəzlərində hazırlıq kursları keçən Azərbaycan mütəxəssislərinin sayı artırılacaq. Bu barədə Trend ə Azərbaycan Respublikası Fövqəladə Hallar Nazirliyinin ictimaiyyəltə əlaqələr idarəsindən məlumat verilib.
Hazırda isə həmin akademiyalarda və təlim mərkəzlərində hazırlıq kursu keçən azərbaycanlı mütəxəssislərin sayı 12 nəfərdir. Bu rəqəm cari ilin sonunadək iki dəfə artırılacaq.
FHN fəaliyyət istiqamətləri planına uyğun olaraq müasir xilasedici azı 14 peşəyə yiyələnməlidir. Rusiya təlim mərkəzlərində Azərbaycan üçün dalğıclar, dağ şəraitində işləmək üçün mütəxəssislər, yanğınsöndərənlər və sair hazırlanacaq.