ATƏT-in Minsk Qrupu həmsədrləri növbəti məsləhətləşmələri avqustda Parisdə keçirəcək. Bu barədə, Trend agentliyinin məlumatına əsaən, iyulun 14-də Azərbaycanın xarici işlər naziri Elmar Məmmədyarov jurnalistlərə bildirib.
Onun sözlərinə görə, nazir dünən Türikiyədə ATƏT-in Minsk Qrupu həmsədri Metyu Brayza ilə görüşüb. M.Brayza iyulun sonu-avqustun əvvəlində əvvəl İrəvan, sonra isə Bakıya səfər etmək niyyətində olduğunu deyib.
E.Məmmədyarovun dediklərinə görə, səfər zamanı vəziyyət təhlil olunacaq və danışıqlar prosesinin irəliləməsi mümkünlüyü müzakirə ediləck. O əlavə edib ki, Amerikalı diplomatın bir sıra təklifləri var.
Nazir qeyd edib ki, danışıqlarda 8-10 bəndin müzakirəsi davam edir. Bu bəndlərin əksəriyyəti razılaşdırılıb və tərəflər hələ 1-2 məsələ ilə bağlı razılığa gələ bilmir.
Nazir həmçinin deyib ki, Azərbaycan və Ermənistan xarici işlər nazirlərinin növbəti görüşü məsələsi hələ açıqdır. Bu məsələ M.Brayzanın regiona səfəri zamanı müzakirə ediləcək.