İyul ayının 17-də Daxili İşlər Nazirliyi Narkotiklərlə Mübarizə İdarəsi Qərb Bölgəsində Regional şöbə ilə Goranboy rayon Polis şöbəsinin birgə apardıqları reyd nəticəsində Gəncə şəhəri, Şahsevənlər küçəsi, döngə 2, ev 2 ünvanında yaşayan 1971-ci il təvəlüdlü Hüseynov Elmir Cümşüd oğlu 1 kq 450 q marixuananı satarkən yaxalanıb. Qeyd edək ki, o, həmin marixuananı 1500 ABŞ dollarına satmağa çalışırmış. Cinayət Məcəlləsinin 234.2 maddəsi üzrə Goranboy rayon polis şöbəsində cinayət işi qaldırılıb.
...