İki ilə yaxındır ki, Culfa rayon Gömrük İdarəsi üçün inzibati bina inşa olunur. Naxçıvan Muxtar Respublikası Ali Məclisinin sədri Vasiif Talıbov obyektə gələrək görülən işlərlə maraqlanıb. Orijinal lahiyə əsasında inşa olunmuş inzibati binanın birinci mərtəbəsində buraxılş-keçid məntəqəsi fəaliyyət göstərəcək. 2-ci və 3-cü mərtəbələrdə gömrük işçiləri üçün iş otaqları, geniş akt zalı olacaq. Binanın daxilində havalandırma sistemi qurulub. Elektrik və rabitə xətləri çəkilib, istilik və işıqlandırma sistemi yaradılıb.
Nəqliyyat vasitələrinin gömrük yoxlamasından keçməsi üçün gömrük-nəzarət binası, gömrük anbarı inşa edilib. Gömrük-nəzarət məntəqəsində ağır tonnajlı yükləri çəkmək üçün tərəzi quraşdırılıb. Məntəqə müasir standartlara uyğun aparatlarla, monitorlarla təchiz ediləcək.
Ərazidə sərhədyanı müştərək bazar üçün yeni tipli gömrük binaları, estakada inşa olunub. Binanın həyətində artezian quyusu qazılıb, əlavə su xətti çəkilib.
Gömrük İdarəsinin sentyabr ayında istifadəyə verilməsi nəzərdə tutulub.