Gəncədəki xəstəxanalarda təmir bərpa işləri aparılır. Bu barədə məlumatı Trend ə Gəncə şəhər Səhiyyə İdarəsindən veriblər. Abbas Səhhət adına 1 saylı şəhər xəstəxanasının baş həkimi Nazim Əhmədov bildirib ki, hələlik xəstəxananın həyətində təmir işləri aparılır. İşlər yekunlaşdıqdan sonra təmir xəstəxananın daxilində də aparılacaq.
Təjili Tibbi Yardım Xəstəxanasının baş həkimi Azad Quliyev isə bildirdi ki, xəstəxanada şöbələrdə də təmir-bərpa işləri aparılır. Onun sözlərinə görə, xəstəxana uzun müddətdir ki, təmir olunmadığından bərbad vəziyyətdədir. Təmir-bərpa işlərinə Gəncə Səhiyyə İdarəsi və şəhər İcra Hakimiyyəti də yaxından köməklik edir.
