Amerika Birləşmiş Ştatlarının Azərbaycandakı Səfirliyi Demokratiya Komissiyasinin Kiçik Qrantlar proqramı üzrə müsabiqənin 2006-cı ilin payız mərhələsinin başlanmasını elan edir. Bu barədə Trend ABŞ-ın Bakıdakı səfirliyinin məlumatına istinadən xəbər verir.
Proqram üzrə layihə təklifləri 2006-cı il sentyabrın 7-dən oktyabrın 2-si, 2006-cı il səhər saat 11:30-dək qəbul ediləcək. Müsabiqədə maraqlı olan Azərbaycan təşkilatları aşağıdakı altı mövzudan biri üzrə layihə təqdim etməyə dəvət olunurlar:
- Şəffaflıq, təmsilçi hökumət və anti-korrupsiya mexanizmlərinin dəstəklənməsi (Tənzimləyici və inzibati idarəetmə prosedurlarının gücləndirilməsi, hökumət proqramlarının xərcləri və faydasının analizinin aparılması, hökumət tərəfindən ictimai fondlardan istifadə olunması - prioritetlərin müəyyən edilməsində hökumətə yardım məqsədilə yerli icmaların ehtiyaclarının dəstəklənməsi, parlament üzvlərinin öz seçicilərilinin ehtiyaclarının çavablandırılması prosesinin/ ünsiyyətin təkmilləşdirilməsi;
- İnsan hüquqlarının dəstəklənməsi (mətbuat azadlığının inkişafı, mətbuat vasitəsilə qadın hüquqlarının inkişafı);
- Qanunun aliliyinin dəstəklənməsi (məhkəmə proseslərinin monitorinqinin aparılması);
- Münaqişələrin həlli bacarıqlarının dəstəklənməsi (münaqişələrin həlli bacarıqlarının yaradıcı metod - incəsənət vasitəsilə aşılanması, qadın və gənclərin iştirakını təmin edən fəaliyyətlər);
- Düşünülmüş/planlı şəhərsalma prinsiplərinin dəstəklənməsi (şəhərsalma prosesində vətəndaş cəmiyyətinin rolunun genişləndirilməsi);
- Amerikalılar və Azərbaycanlılar arasında əlaqələrin dəstəklənməsi (insanlar arasında İnternet vasitəsilə əməkdaşlığın qurulması, ingilis dili ünsiyyət klubları və ya regional kitabxanalardakı kitab klublarının dəstəklənməsi, ABŞ-Azərbaycanın bölüşdürdüyü ümumi dəyərlər - demokratiya, insan hüquqları və azad bazar iqtisayyatı istiqamətində müzakirə proqramlarının təşkil olunması).
Ərizə formaları və elanı ABŞ səfirliyinin internet səhifəsində əldə edə bilərsiniz:
İngilis dilində http://baku.usembassy.gov/pas/demmain.html
Azərbaycan dilində http://baku.usembassy.gov/pasaz/demmain_az.html
Ərizələri səfirliyin elektron poçtuna [email protected] məktub yazmaqla əldə edə bilərsiniz.