Oktyabrın 19-da Çin Xalq Respublikasında Çin-Azərbaycan dostluq cəmiyyətinin təsis mərasimi keçiriləcək. Bu barədə Trend ə eksklüziv olaraq Azərbaycanın Çindəki səfiri Yaşar Əliyev məlumat verib.
Səfir qeyd edib ki, tədbirdə ÇXR-in yüksək vəzifəli şəxsləri iştirak edəcək.
Y.Əliyevin sözlərinə görə, Çin MDB ölkələri arasında yalnız Rusiya ilə bu cür əməkdaşlığa malikdir. Bu siyahıda Azərbaycan ikinci olacaq.
Y.Əliyev onu da bildirib ki, 2006-cı ilin sonunda Azərbaycan hökuməti Çində mədəniyyət mərkəzi açacaq. Artıq bu mərkəzin Çində təsis olunması ilə bağlı rəsmi Pekinin razılığı alınıb. Bu istiqamətdə hazırlıq gedir və lazımi avadanlıq alınıb.