Bakı Şəhər İcra Hakimiyyəti Azərbaycan Milli İstiqlal Partiyasının (AMİP) oktyabrın 13-də İran səfirliyi qarşısında keçirməyi planlaşdırdığı piketə icazə verməyib. Bu barədə Trend ə AMİP-dən məlumat verilib.
Qeyd edək ki, AMİP Güney Azərbaycanda ana dilinin sıxışdırılmasına, tədrisin məcburən fars dilində aparılmasına etiraz olaraq İran İslam Respublikasının Bakıdakı səfirliyinin qarşısında piketlər keçirməyə qərar verib.
Bakı Şəhər İcra Hakimiyyətinin partiyaya cavab məktubunda bildirilib ki, piketin keçirilməsi məqsədəuyğun hesab edilmir. Şəhər rəhbərliyi AMİP-ə öz mövqeyini daha sivil qaydada bildiməyi tövsiyə edib.
AMİP isə razılıq verilməməsinə baxmayaraq, piketin keçirilməsində israrlıdır.