Polşa səfirliyi XİN rəhbəri Anna Fotıqin Azərbaycana səfərinin yeni müddətini və proqramını dəqiqləşdirir. Bu barədə Trend ə Polşanın Azərbaycandakı səfirliyinin məsləhətçisi Voytsex Quretskiy bildirib.
Diplomat bildirib ki, səfər əvvəlcə fevral ayına təyin olunmuşdu. O əlavə edib ki, nazirin hər üç Cənubi Qafqaz ölkəsinə turne planlaşdırması səbəbindən səfərin vaxtını və proqramını dəqiqləşdirmək çətindir. Hazırda diplomatik kanallarla bu məsələ ilə bağlı danışıqlar aparılır.
XİN rəhbəri Bakıya səfəri çərçivəsində ölkə rəhbərliyi ilə siyasi, iqtisadi və humanitar sahədə əməkdaşlığa dair danışqlar aparacaq. Bu məqsədlə nazir Azərbaycan prezidenti, baş nazir, Milli Məclis sədri və XİN rəhbəri ilə görüşəcək.