Ağdam rayonun Əhmədağalı və Çıraqlı kəndlərində ev quşları arasında tələfat başlayıb. Kənd sakinləri bildirir ki, ev quşları son 10-15 gündə tələf olur. Kənd sakinləri xəstəliyin dəqiq diaqnozunu bilməsələr də, müxtəlif vaksinləmə aparırlar. Ancaq bunun heç bir xeyri olmadığını bildirirlər. Ən maraqlısı odur ki, xəsitəliyə tutulan ev quşlarını yemək üçün istifadə edirlər.
Məsələ ilə bağlı Ağdam rayon baytarlıq idarəsinin rəisi Sərhad Bəxtiyarov Trendin bölgə müxbirinə bildirib ki, ev quşları arasında yayılan xəstəlikdən xəbərdardır və bunun taun xəstəliyi olduğunu və bununla bağlı kəndin ərazisində olan quşlarda pulsuz vaksinləmə aparılacağını bildirdi. S.Bəxtiyarov onu da bildirdi ki, xəstəliyə məruz qalan ev quşlarının yeyilməsi qəti qadağandır.
