Gəncədə qaz abunəçilərinin əhali qrupunun debitor borcları artıb. Bu barədə məlumatı Trendə Gəncə şəhər Qaz İstismarı İdarəsinin rəisi Adil Bağırov verib.
Müsahibin sözlərinə görə, əgər 2006-cı ilin yanvar ayında abunəçilərin debitor borcları 9 milyon 191 min 293 manat təşkil edirdisə, 2007-ci ilin yanvar ayının 1-nə bu göstərici 7 milyon 448 min 636 manat da artıb.
"Borcların artmasına səbəb Gəncədə əhali qrupundan yığılan aylıq ödənişlərin 50 faizdən çox olmamasıdır. Köhnə borclar ödənilmir, əksinə, hər ay onların üzərinə yeni borclar da əlavə olunur" - deyən idarə rəis əlavə etdi ki, ötən ilin dekabr ayında əhalidən yığılan qaz pulu 907 min 61 manat, yəni 30,7 faiz təşkil edib.
