Ötən il Azərbaycanda narkotiklərlə əlaqədar 2309 cinayət işi qeydə alınıb. Bu barədə narkotiklərlə, psixotrop maddələrlə mübarizə Dövlət komissiyasından xəbər veriblər.
Dövlət Komissiyasının məlumatlarına görə, qeyri-qanuni dövriyyədən cəmi 531 kq 133qr. narkotik - heroin (49 kq), həşiş (210 kq), marixuana (141 kq), psixotrop preparatlar (26 ampula), metadon (0,53 qr.) müsadirə olunub.
Beləliklə, hüquq mühafizə orqanları tərəfindən 775 narkotik satışı faktı aşkar olunub və 2007 nəfər cinayət məsuliyyətinə cəlb olunub. Tutulan şəxslərin 82-i xarici vətəndaşlardır. Onlar Gürcüstandan (32), Rusiya Federasiyasından (9), İsraildən (2), Əfqanistandan, Özbekistandan və Türkmənistandandır.
Tutulanların 1926 nəfərinin daimi iş yeri yoxdur. Keçirilən əməliyyat tədbirləri nəticəsində 401 ton yabanı narkotik aşkar olunub.