...

Gəncədən Qərb rayonlarına sərnişin daşıyan nəqiliyat vasitələrində gediş haqları qeyri-qanuni olaraq artırılıb

Siyasət Materials 26 Yanvar 2007 17:05 (UTC +04:00)

Gəncədən Qərb bölgəsinə sərnişin daşıyan nəqiliyyatlarda gediş haqları artırılıb. Trendin Qərb Bürosunun verdiyi məlumata görə, Gəncə-Qazax marşurutu üzrə işləyən mikroavtobuslarda gediş haqqı 1,12 manat idisə, yanacağın qiməti artdıqdan sonra bu rəqəm təxminən 38 qəpik də artaraq 1, 50 manat olub.

Azərbaycan Respublikası Nəqliyyat Nazirliyi Avtonəqiliyyat departamenti 1 saylı Regional Nəqliyyat Məhdud Məsuliyyətli Cəmiyyətin şöbə müdiri Qadir Əliyev Trendə bildirdi ki, qiymət artımı ilə əlaqədar sürücülərə heç bir rəsmi sənəd təqdim olunmayıb.

"Gediş haqları əvvəlki qimətində qalmalıdır. Biz buna nəzarət edirik. Avtovağzalda olduğumuz müddətdə gediş haqqı əvvəlki qiymətə olsa da, biz ordan uzaqlaşan kimi yenə artım baş verir. Bu işdə avtovağzal rəhbərliyinin "Konfort Nəqliyyat" MMC-nin rolu var. Qimət artımını onlar orda yaradır. Biz həmişə deyirik ki, əgər Tarif şurasının göstərişi olmasa, heç kəsin qiymət artırmağa ixtiyarı yoxdur" - deyə Q. Əliyev bildirdi.

Trend "Kofort Nəqliyyat" MMC-nin rəhbəri Zirəddin Hacıyev ilə əlaqə saxlamaq istəsə də, o məsələyə aydınlıq gətirmək istəmədi.

Xəbər lenti

Xəbər lenti