Azərbaycanın Türkiyədəki səfiri Zakir Həşimov Qars əyalətində olub, qubernator Mehmet Ufuq Erden, 14 mexaniki briqada komandiri Ercan Okan və bələdiyyə başçısı Naif Əlibəyoğlu ilə görüşüb. Bu barədə Trend ə Azərbaycanın Türkiyədəki səfirliyindən bildiriblər.
Bütün görüşlərdə səfir həmsöhbətlərinə Dağlıq Qarabağ münaqişəsi ilə bağlı məlumatlar çatdırıb. Görüşdə Türkiyənin hər 3 təmsilçisi Türkiyə ilə Ermənistan sərhədlərinin açılmasının qeyri-mümkünlüyü barədə Azərbaycan səfirini əmin edib.
Səfirliyin mətbuat xidmətindən verilən məlumata görə, danışıqlar zamanı Türkiyə höküməti ilə birlikdə Qarsın mərkəzində Türkiyə və Ermənistan arasında dostluq rəmzi abidəsinin ucaldılmasının qarşısı alınmışdır.