Azərbaycan, Bakı / Trend müxbir S.İlhamqızı/ Fevralın 21-də Apellyasiya Məhkəməsində hakim Mirzə Tağızadənin sədrliyilə Azərbaycan Xalq Cəbhəsi Partiyasının (AXCP) sədri Əli Kərimlinin apellyasiya şikayətinə baxılıb. Bu barədə Trend ə AXCP- nin hüquqşünası Tofiq Quliyev mə lumat verib.
Qeyd edək ki, AXCP sədrinə ümumvətəndaşlıq pasportunun verilməməsi ilə bağlı Nəsimi rayon Prokurorluğuna qarşı iddia qaldırılmışdı. Lakin Nəsimi rayon Məhkəməsi AXCP sədrinin iddiasını təmin etmədiyi üçün bu məhkəmənin qətnaməsindən apellyasiya şikayəti verilib.
Apellyasiya baxışında cavabdeh tərəfdən Nəsimi rayon prokurorunun müavini Müqabil Xəlilov iştirak edib. O bildirib ki, Ə.Kərimlinin ümumvətəndaşlıq pasportu alması üçün müraciəti aidiyyatl orqanlara göndərilib və AXCP sədrinə izah edilib ki, o, polisə müraciət etməlidir. İddiaçı tərəfin vəkili Tofiq Quliyev isə bidirib ki, Ə.Kərimlinin barəsində qaldırılmış cinayət işi Nəsimi rayon prokurorluğunun icraatındadır və cinayət işinə görə pasport ala bilməməsinin polis orqanlarına aidiyyatı yoxdur.
Hakim cavabdeh tərəfdən müvafiq sənədləri, Ə.Kərimlinin ərizəsinə verilmiş rəsmi cavabı məhkəməyə təqdim etməsini tapşırıb və məhkəmə prosesinin martın 7-də davam etdirilməsinə qərar verib.
