Azərbaycan, Bakı / Trend , müx. S.Əliyev/ Hazırda orta hesabla sutkada Azərbaycanın milli qazpaylayıcı sisteminə "Şahdəniz" yatağından təxminən 4 mln. kub metr qaz daxil olur. Bu barədə Trend ə "Azəriqaz" QSC-dən məlumat verilib.
Yataqda hasilat dünən bərpa olunub. O, ikinci qabaqlayıcı quyudan başlayıb. Bu quyunun orta sutkalıq debiti vaxtaşırı olaraq 5,4 mln. kubmetrə çatır.
"Şahdəniz"in işlənməsi layihəsinin "Mərhələ-1" çərçivəsində plato mərhələsində ildə 8,6 mlrd. kub metr qaz hasil olunacaq. 2007-ci ildə "Şahdəniz"dən 2,8 mlrd. kub metr qaz hasil olunacaq.