Fransa, Strasburq / Trend müxbir E. Məcidli/ İsveçin paytaxtı Stokholm şəhərində Xocalı soyqırımının ildönümü ilə bağlı təcavüzkar Ermənistanın işğalçı siyasətinə etiraz olaraq, Güney Azərbaycan Konqresi və Dünya Azərbaycanlıları Konqresinin əməkdaşlığıyla mitinq keçiriləcək. Mitinqin keçirilməsində məqsəd - Xocali soyqırımı və erməni vəhşiliyini Isveç xalqına çatdırma, Avropanın mərkəzi təşkilatlarının diqqətini bu məsələyə cəlb etməkdir.
Stokholmun Sergels Torg meydanında fevralın 24-də keçiriləcək mitinqə ölkənin digər Azərbaycan təşkilatları ilə yanaşı , türk təşkilat və diaspor nümayəndələri də dəvət olunub.