Azərbaycan, Bakı /müxbir Trend İ.Əlizadə/Azərbaycan milli azadlıq hərəkatının lideri, eks-prezident Əbülfəz Elçibəyin qəbrinin üstünün götürülməsi prosesi başa çatmaq üzrədir. Bu barədə Ə.Elçibəyin kürəkəni Aqil Səmədbəyli məlumat verib.
A.Səmədbəyli qeyd edib ki, artıq qəbrüstü abidə Fəxri Xiyabana gətirilib və məzarın üzərində ucaldılıb. Hazırda son tamamlama işləri aparılır. Xatırladaq ki, milli azadlıq hərəkatının lideri Ə.Elçibəy 1992-1993-cü illərdə Azərbaycanın prezidenti olub. 1993-cü ildə istefa verərək doğma kəndi olan Ordubadın Kələki kəndinə gedib. 1997-ci ildə Bakıya qayıdaraq Azərbaycan Xalq Cəbhəsi Partiyasına rəhbərlik etməyə başlayıb. 2000-ci ildə Türkiyənin Gülhanə Hərbi Hospitalında dünyasını dəyişib.