Azərbaycan, Bakı /müxbir Trend S.İlhamqızı/Müsavat Partiyası Klassik Xalq Cəbhəsi Partiyasının (KXCP) müxalifətin yeni birliyinin yaradılması ilə bağlı təşkil edəcəyi müzakirələrə qatılacaq. Bu barədə jurnalistlərə Müsavat başqanı İsa Qəmbər açıqlama verib.
O, bildirib ki, KXCP-nin Müsavat Partiyasına ünvanladığı məktubu müzakirə olunduqdan sonra onun müraciətinə cavab yazılıb: "Müsavat Partiyası demokratik qüvvələrlə danışıqlara həmişə hazırdır. Biz, yeni güc mərkəzinin yaradılması ilə bağlı Klassik Xalq Cəbhəsi Partiyasının təşəbbüsünə hörmətlə yanaşırıq və bu müzakirələrdə iştirak edəcəyik. Amma danışıqların və ideyaların hansı həddə qədər gerçəkləşəcəyini zaman göstərəcək", deyə İ.Qəmbər qeyd edib.