Azərbaycan, Bakı / Trend müxbir S.İlhamqızı/ Müsavat Partiyası Məclisinin iclası martın 31-də keçiriləcək. Bu barədə partiya başqanının müavini Mehman Cavadoğlu məlumat verib.
İclasda Məclis üzvlüyünə boş qalmış 30-a yaxın yerə seçkilər keçiriləcək. Məclis üzvlüyünə namizədliyini irəli sürmək istəyən şəxslər martın 14-dən 27-dək ərizələrini Təşkilat Komitəsinə təqdim etməlidirlər. Martın 31-də iclasda seçki yolu ilə namizədlər arasından Məclisə üzvlər seçiləcək.
Müxalifəti təmsil edən Müsavat Partiyası 1992-ci ildə yaradılıb. Partiyanın başqanı İsa Qəmbər Azərbaycan parlamentinin eks-spikeri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub.