Azərbaycan,Bakı/müxbir Trend K.Zərbalıyeva/Gürcüstan baş prokurorunun müavini Kaxa Kaberidze çərşənbə günü Bakıda bəyan edib ki, "Monitor" jurnalının baş redaktoru Elmar Hüseynovun qətli ilə bağlı konkret nəticələr var.
Kaberidze istintaqın konkret nəticələrini səsləndirməyib. O qeyd edib ki, Gürcüstan tərəfi Azərbaycanın Milli Təhlükəsizlik Nazirliyi ilə birgə bu işi araşdırmaqda və ayrı-ayrı istintaq göstərişlərini yerinə yetirməkdə davam edir.
"Azərbaycandan müstəntiqlər gəlir və obyektiv hüquqi həllin tapılması üçün heç bir maneə yoxdur" - deyə Kaberidze bildirib.
"Monitor" jurnalının baş redaktoru Elmar Hüseynov 2005-ci ilin martında qətlə yetirilib. Baş redaktorun qətlə yetirilməsi ilə bağlı İnterpol vasitəlsilə Gürcüstanın iki vətəndaşı - Teymuraz Əliyev və Tair Xubanovun axtarışı elan olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
