Naxçıvan Muxtar Respublikası Ali Məclisinin sədri Vasif Talıbov iyulun 7-8-də Şərqi Azərbaycan İran ostanının inzibati mərkəzi Təbrizə ikigünlük səfər edib. Talıbov tərkibinə MR-in siyasi və iqtisadi rəhbərliyinin, işgüzar, akademik və mədəni dairələrinin nümayəndələri daxil olan yüksək səlahiyyətli nümayəndə heyətinə başçılıq edib. İRNA-nın məlumatında belə deyilir.
Talıbovu Naxçıvan MR-in baş nazirinin birinci müavini Asəf Məmmədov, səhiyyə naziri Niyaz Novruzov, iqtisadi inkişaf naziri Famil Səidov, Naxçıvan Dövlət Universitetinin rekroru Əli Əlizadə, Culfa rayonunun rəhbəri Şükür Babayev müşayiət ediblər. Naxçıvan nümayəndə heyətinin səfərinin məqsədi Şərqi Azərbaycan ostanının siyasi və iqtsadi rəhbərliyi ilə görüş və danışıqlar keçirmək, əməkdaşlıq haqqında bir sıra müqavilələr imzalamaq, əyalətin sənaye-istehsalat və elmi-mədəni müəssisələrinə, həmçinin Təbriz traktorqayırma zavoduna, "Zəkəriyyə" əczaçılıq şirkətinə, "Aydın" şirniyyat fabrikinə səfərlər təşkil etmək olub. Nümayəndə heyəti Azərbaycanın Təbrizdəki Konsulluğuna və şəhərin bir sıra tarixi- mədəni yerlərinə səfər edib.
Trend-in ən mühüm və maraqlı xəbərlərini "Telegram"da izləyin
.jpg)
