Azərbaycan, Bakı / Trend müxbir İ.Əlizadə/ Azərbaycan prezidenti İlham Əliyev avqustun 2-də Prezident sarayında ABŞ dövlət katibinin Avropa və Mərkəzi Asiya məsələləri üzrə müşaviri Mətyu Brayzanı qəbul edib. Görüşdə Azərbaycan ilə ABŞ arasında enerji sahəsində əməkdaşlığın hazırkı vəziyyəti və perspektivləri ilə bağlı məsələlər müzakirə olunub.
ABŞ-ın Azərbaycandakı səfirliyinin mətbuat xidmətindən bildiriblər ki, Bakıya ikigünlük səfərə gələn Brayza Azərbaycanda fəaliyyət göstərən enerji şirkətlərinin nümayəndələri ilə görüşüb. Avqustun üçündə isə onun bir sıra nazirlər, o cümlədən xarici işlər naziri Elmar Məmmədyarovla görüşü gözlənilir.
Amerikalı diplomat Azərbaycana gəlməmişdən əvvəl Gürcüstan, Ermənistan və Rusiyada danışıqlar aparıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
