Serbiya, Belqrad / xüsusi müxbir Trend E.Hüseynli/ Azərbaycan ərazisindən axan transsərhəd çaylar Cənubi Qafqaz dövlətləri tərəfindən çirkləndirilir. Bu barədə Belqradda ekologiya nazirlərinin 6-cı beynəlxalq konfransında çıxış edən Azərbaycanın ekologiya və təbii sərvətlər naziri Hüseynqulu Bağırov bildirib.
Onun sözlərinə görə, Kür və Araz transsərhəd çaylarının suları Azərbaycanla həmsərhəd olan dövlətlərin ərazisində 700 mln. kub metr həcmində çirkləndirilir. Bu isə nəticədə Xəzər dənizinin çirklənməsinə səbəb olur.
Transsərhəd sularının təmizlənməsi üçün Azərbaycanda intensiv olaraq monitorinq aparılır.
"Lakin ümumi qiymətləndirmənin aparılması üçün transsərhəd ölkələrindən lazımi informasiyanı almaq mümküün olmur" - deyə Bağırov bildirib.
Azərbaycan transsərhəd sularının təmizlənməsinə dair beynəlxalnq konvensiyaya qoşulub. Ərazisindən Kür çayı axan Türkiyə, Gürcüstan və Ermənistan konvensiyaya qoşulmaqdan imtina edib.
O bildirib ki, digər dövlətlər konvensiyaya qoşulmadığından, transsərhəd sularının təmizlənməsi məsələsi öz əhəmiyyətini itirir.
Bağırov çıxışında deyib ki, transsərhəd sularında çirklənmənin qarşısını almaq üçün sərhəddə yeni laboratoriyalar quraşdırılıb. Xəzərə tökülən çirkab suların qarşısını almaq üçün isə yeni su təmizləyici qurğular quraşdırılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
