Azərbaycan, Bakı / Trend , müxbir Z.Səfərov/ Qadınlardan ibarət "AzerReyl" voleybol klubu Çempionlar liqasının qrup mərhələsindəki çıxışına noyabrın 28-də Odintcov "Zareç"inə qarşı səfər oyunu ilə başlayacaq.
Elan olunan təqvimə müvafiq olaraq, Faiq Qarayevin yetirmələri turnirin ilk oyununu qrupun favoritlərindən hesab olunan rusiyalı voleybolçulara qarşı keçirəcəklər. Bir həftə sonra (dekabrın 5-də) dəmiryolçular öz meydançalarında "Fənərbaxça"nı, dekabrın 11-də isə, ötən mövsüm qalib gəldikləri Polşanın "Kaliçiya" klubunu qəbul edəcəklər.
"AzerReyl" Liqada çıxışa, Kseniya Kovalenko, Oksana Məmmədyarovanın qayıdışı və Nataliya Məmmədovanın İsveçrə "Valero"suna keçidini nəzərə alsaq, zəif heyətlə başlayacaq.