Azərbaycan, Bakı / Trend müxbir K.Ramazanova/ Avropa məhkəməsinin hakimi vəzifəsinə Azərbaycandan olan namizədlərlə bazar ertəsi müsahibə aparılıb. Bu barədə İnsan Haqları üzrə Avropa Məhkəməsinin mətbuat xidmətinin əməkdaşı Rut Bali bazar ertəsi telefonla Strasburqdan telefonla bildirib.
"Bu gün 3 namizədlə müsahibə aparılıb. Avropa Şurası Parlament Assambleyasının yanvarın 21-25-də baş tutacaq yanvar sessiyasında onlardan biri bu posta seçiləcək" - deyə Bali bildirib.
Azərbaycan hökuməti Avropa Şurasına yeni namizədlərin siyahısını təqdim edib. Siyahıya Azərbaycanın Avropa Məhkəməsindəki hazırkı hakimi Xanlar Hacıyev, Bakının Əzizbəyov rayon məhkəməsinin hakimi
Rəşad Həsənov, Nəsimi rayon məhkəməsinin hakimi Aygün Abdullayeva daxildir. AŞPA Azərbaycanın Məhkəmə-Hüquqi Şurası tərəfindən təqdim olunan və üç namizəddən ibarət əvvəlki siyahını geri qaytarıb və bunu siyahıda həmin namizədlərin hakimlər üçün nəzərdə tutulan tələblərə cavab verməməsi ilə izah edib. Əvvəlki siyahıya Azərbaycanın Avropa Məhkəməsindəki hazırkı hakimi Xanlar Hacıyev, Azərbaycan Ali Məhkəməsinin hakimi Zakir Quliyev və Azərbaycanın Prezident Aparatının insan haqları sektorunun əməkdaşı Səadət Novruzova daxil idi. Konvensiyanın maddələrinə əsasən, yüksək hakim vəzifəsinə təyin olunan şəxslər yüksək mənəvi dəyərlərə malik olmalı və tələblərə cavab verməli və ya nüfuzlu hüquqşünas kimi tanınmalıdırlar.
Avropa Şurasının hakimləri 6 il müddətinə seçilir. Birinci dəfə üçün seçilən hakimlər üçün bu müddət göstərilən rəqəmdən azdır. İclasda Azərbaycanla yanaşı Litva, Bolqarıstan, Türkiyə, Moldova və Sloveniyadan hakimlərin seçilməsi məsələsi də müzakirə olunacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
