Azərbaycan, Bakı, 1 fevral / Trend , müxbir İ.Əlizadə/ Azərbaycan Parlamenti Naxçıvan Muxtar Respublikası Ali Məhkəməsinə yeni hakim təyin edib. Bu barədə qərar Milli Məclisin cümə günü keçirilən iclasında qəbul edilib. Milli Məclisin Hüquq siyasəti və dövlət quruculuğu məsələləri daimi komissiyasının sədri Əli Hüseynov bildirib ki, Ramiz Süleymanovun Naxçıvan Ali Məhkəməsinin hakimi vəzifəsinə təyin olunması ilə bağlı təqdimatı Parlamentə prezident İlham Əliyev göndərib.
Parlamentin qərarı ilə Ramiz Süleymanov həmin vəzifəyə təyin olunub.