Azərbaycan, Bakı, 08 fevral/ Trend , müxbir Z.Səfərov/ Azərbaycanın taekvando üzrə yığma komandası yaxın günlərdə İsveçdə start götürəcək "Trelleborg Open" beynəlxalq turnirində çıxış edəcək.
Milli Federasiyadan Trend ə verilən məlumata görə, kollektivin tərkibinə Samir Aydınov ( 54 kq), Vasif Qurbanov ( 58 kq), Ziya Qasımov ( 62 kq), Fərid Tağızadə, Tural Vəlibəyov ( 67 kq), Səbuhi İsmayılzadə, Məhəmməd Əzizli ( 72 kq), Allahşükür Zülfüqarlı ( 78 kq), Aydın Bəhmənov ( 84 kq), Ləman Ələkbərova ( 47 kq), Günay Ağakişiyeva ( 63 kq) və Səbinə Mikayılova ( 67 kq) daxil olub. Onlar Səbuhi Zülfüqarlının məşqçiliyi altında çıxış edəcəklər.
İsveçə burnunda aparılan cərrahiyə əməliyyatından sonra özünü bərpa edən Elnur Amanovdan (58kq) başqda yığmanın əsas ikinci nömrələri yola düşüb.