Azərbaycan, Bakı, 287 fevral / Trend , müxbir K.Zərbalıyeva/ Müsahibəyə çıxarılmış vakant dövlət qulluğu vəzifələrinin tutulması üçün sənəd qəbulu başa çatıb.
Fevralın 8-dən 27-dək Prezident yanında Dövlət Qulluğu Məsələləri üzrə Komissiyada 146 vakant dövlət qulluğu vəzifəsinə qarşı 69 nəfərin namizədliyi qeydə alınıb.
Komissiyadan cümə axşamı Trend ə verilən məlumata görə, Milli Arxiv İdarəsi (2 yer), Dini Qurumlarla İş üzrə Dövlət Komitəsi (2 yer), Standartlaşdırma, Metrologiya və Patent üzrə Dövlət Agentliyi üzrə (1 yer) vakant yerlərə sənəd verən olmayıb.
Həmçinin Nəqliyyat, Təhsil, İqtisadi İnkişaf nazirlikləri, Xaricdə Yaşayan Azərbaycanlılarla İş üzrə Dövlət Komitəsi üzrə vakant yerə olduqca az namizəd sənəd verib. Namizədlər Dövlət Əmlakının İdarə Edilməsi üzrə Dövlət Komitəsi, Əmək və Əhalinin Sosial Müdafiəsi Nazirliyindəki vakant dövlət qulluğu vəzifələrinə maraq göstəriblər.
Komissiyadan bildirilib ki, Sənaye və Energetika Nazirliyində 15 vakant dövlət qulluğu vəzifəsinin tutulması üçün elan olunan müsahibə üzrə sənəd qəbulu martın 3-dək davam edəcək.
Fevralın 27-dək 29 dövlət orqanı üzrə müsabiqəyə çıxarılmış 476 vakant dövlət qulluğu vəzifəsinin tutulması üçün 697 namizəd sənəd verib. Həmin vəzifələr üzrə sənəd qəbulu martın 11-də başa çatacaq.
Komissiya fevralın 8-də 31 dövlət orqanında inzibati vəzifələrin 6-9-cu təsnifatları üzrə 622 vakant dövlət qulluğu vəzifələrinin tutulması üçün müsahibə və masabiqə elan edib.
