Azərbaycan, Bakı, 287 fevral / Trend , müxbir A.Salmanov/ Korrupsiya cinayətlərində təqsirləndirilən Bakının Rəsulzadə qəsəbə bələdiyyəsinin sədri və dörd əməkdaşının cinayət işinin istintaqı yekunlaşıb. Bu barədə cümə axşamı Trend ə Baş Prokurorluqdan məlumat verilib.
Bələdiyyə sədri Məcnun Əliyevzə və bələdiyyənin əməkdaşları Aydın İsmayılov, Nizami Əzizov, İnqilab Ağalarov və makler Nuru Məmmədova qarşı Cinayət Məcəlləsinin qabaqcadan əlbir olan bir qrup şəxs və ya mütəşəkkil dəstə tərəfindən külli miqdarda törədilməklə rüşvət alma (311.3.1 və 311.3.3-cü) maddələri ilə ittiham irəli sürülüb.
Cinayət işi baxılması
üçün Ağır Cinayətlərə Dair
İşlər üzrə Məhkəməyə hakim Eynulla
Vəliyevin icraatına verilib. İş üzrə
məhkəmənin hazırlıq iclası martın 7-nə
təyin olunub.
Təqsirləndirilən şəxslər baş prokuror
yanında Korrupsiyaya qarşı Mübarizə İdarəsi
və Milli Təhlükəsizlik Nazirliyi
əməkdaşlarının keçirdiyi əməliyyat
nəticəsində həbs olunublar. Onlar torpaq sahəsinin
ayrılması müqabilində bir nəfərdən
külli miqdarda rüşvət alarkən yaxalanıblar.
