Azərbaycan, Bakı, 11 aprel/ müx. Trend Life Günel Əhmədova/
Kamran Həsənli efiri silkələməyə qadir olan layihə üzərində çalışır. Bu barədə TrendLife-a məlumat verən Həsənli layihə üzərində bir neçə mütəxəssisin çalışdığını söylədi. Yaradıcılıq işi barədə geniş xəbər alanda o, "bu, tele-məkanda analoqu olmayan bir layihə olacaq. Təfərrüatı barədə ona görə danışmıram ki, ideyanı oğurlamasınlar. Çünki layihənin hazırlığı bir qədər vaxt tələb edir"- dedi.
Bir çox sənət adamlarının özunu ona oxşatdığını deyən Kamran Həsənli, layihələrinin də təkrarlandığını bildirdi. Onun fikrincə, hər bir yaradıcı adamın öz dəsti-xətti olmalıdır: "Lakin bəzi adamlar mənim yerişimi yerimyə həvəs göstərirlər, lakin Kamran Həsənli ola bilmirlər. Beyinlərini düşündürmək, ideya yaratmaq istəmirlər. Ona görə də bəzi insanlar hələ də özlərini təsdiq edə bilməyiblər".